️روح ايمان

گلُ گُلزار امامتّدي حسين ابن علي (ع)

عالمه مايه ي رَحمتّدي حسين ابن علي

باباسي خَتم رسالت، آناسي بِنت رسول

وارث شاه ولايتّدي حسين ابن

هيچ گلستاندا تاپيلماز بو گولون همتاسي

ثَمر باغ رسالتّدي حسين ابن علي

بو گوزل نوري خدا خلق اِيدوب ائوز نوريندن

زينت عالم خلقتّدي حسين ابن علي

راهِ عشق و شرف و معرفت و ايثاره

هر زمان نور هدايتّدي حسين ابن علي

عشق و ايثاري قويوب عالمين اهلين حيران

مظهر عشق و شهامتّدي حسين ابن علي

شانيده رتبه ده ، اجلاليده گَلمز مثلي

بَحرِ تقوا و فَضيلتّدي حسين ابن علي

گوز تيکيبدور کَرَم و جودينه عُشّاق جهان

چونکي درياي کرامتّدي حسين ابن علي

صدقيله کيم گله درگاهينه نوميد اولماز

مَنبَع جود  و سخاوَتّدي حسين ابن علي

هامي آزاده و عشاقِ جهانه سرور

هادي و رهبر اُمتّدي حسين ابن علي

اورگدَن عالمه حُرّيَت و عزّت دَرسين

شَمع راه بَشَريّتدي حسين ابن علي

بَنده ي مُخلص دَرگاه خُدايِ يکتا

روح ايمان و عبادّتدي حسين ابن علي

آتاسيندان آلوب ايثار و شجاعت درسين

اودي بير پارچا صلابتّدي حسين ابن علي

کُلّ احرار جهانه، نه فقط شيعه لَره

مايه‌ي عزّ و شرافتّدي حسين ابن علي

حقّينه عارف اولان شيعه لَره ، مَحشَرده

يَقين اَسباب شَفاعتدي حسين ابن علي

گورسَدوب اهل حَقه کربوبلا دشتينده

کي نجه صاحب همّتدي حسين ابن علي

دين اسلامه گوره مامَلَکيندن گيچدي                                  

اودي کي قابل حُرمتدي حسين ابن علي

باش ويروب، ظلمه ولي دهريده اگموب باشيني

کُشته ي راه حقيقتدي حسين ابن علي

سرفراز ايلدي اسلام عَلَمين قانيله

مُحيّيِ دين و شريعتّدي حسين ابن علي

جَدّيمون دينيني قويمام ديدي پامال اولسون

اودي آماده ي نهضتّدي حسين ابن علي

جان ويروب دين حق اوسته کي بيله اهل جهان

عاشق فيض شهادتّدي حسين ابن علي ..

سنده رزّاقي دِينن درديوي بو مولايه

چون بيزه مايه ي رحمتدي حسين ابن علي