يا فاطمه (سلام ا...عليها)

اي مقدس مدفني گوزدن نهان يا فاطمه

مدفنيندن فيض آلار هفت آسمان يا فاطمه

گوهر ذيجودي چشم آفرينشدن نهان

آفتاب عصمتي گوندن عيان يا فاطمه

سرور نسوان عالم بَضْعَهٌ جان رسول

گوهر حجب و حيا و عشقه کان يا فاطمه

يوخ قلمده طاقت ائتسين صفحه تقريرده

محنت و آلامووي شرح و بيان يا فاطمه

بس کي بار محنتين تاثير ائديب دير عالمه

آزقالير سينسين رواق آسمان يا فاطمه

دين يولوندا سن کيمي اي ناشر امر حجاب

وئرمييب بير کيمسه وئرمزامتحان يا فاطمه

سن نه چکدين بعد پيغمبر بيلير بير مرتضي

اي اولان آلام اليندن باغريقان يا فاطمه

کئچدي چون عمر شريفوندان سنين اون سگگيزايل

تاپدي يول گلزارووه باد خزان يا فاطمه

بئيله اوخشاردي علي گويا زبان حاليله

گل مني ترک ائتمه اي آرام جان يافاطمه

سن بيليرسن کي منيم يوخدور انيس و مونسيم

بير انيسم سن سن اي عرش آشيان يافاطمه

 اي منيم دار و نداريم ائتمه يوز مندن نهان 

درد و داغ فرقتوندان الامان يافاطمه

تير تک ايستير کي روحيم جسمي ترک ائتسين ز بس

قامت صبريم اولوب غمدن کمان يافاطمه 

دور قيام ائيله نمازه اي اولان روح نماز

ياتمازيدون سن کي هنگام اذان يا فاطمه

نار هجرانينده جسميمدير اولور هر دم مذاب 

آز قالير روحيم چيخا اوندان هر آن يا فاطمه

اي منيم روح و روانيم طاقتيم صبريم اويان 

يوخدي  منده  هجرووه تاب و توان يا فاطمه

کشتي صبريم دوشوب گردابه گل امداد ائله

ساحل امنه چک اي روح و روان  يا فاطمه 

ترک ائديرسن عالمي، ابر بهاران تک توکور

ماتموندا گوزياشين کون و مکان يا فاطمه

مجتبي زاري ائدير زينب ائدير افغان ،گلير

داغ هجرانون حسينه چوخ گران يا فاطمه

نيسگيل اولدي قبروون عشاقه گيزلين قالماغي

ايستريک مهدي گليب وئرسين نشان يا فاطمه

قبرووي آغوشه آلميش شهر يثربده يقين

آغلايير افغانيلن صاحب زمان يا فاطمه

آستانيزدا شهودي فخر ائدر نوکرليگه

قيل توجه نوکر اولسون کامران يا فاطمه