شعر از علي شهودي
گؤزَلَرينده هَر گئجه غَم بَزمي بَرپادور خانيم
اود دوتان قَلبينده هَرگون آيري غوغادير خانم
بير بيلير آلله نَلَر چَکدين بو آز عمرونده سَن
بيرده واقِف دَرديوه عالَمده مولادور خانم
سَن آناليق ائيلهدين حَقّا آتان پِيغَمبَره
اوْل سَبَبدَندور آدين اُمِّ اَبيهادور خانم
اي مَلَکلَر قوللوغوندا هَر زَمان حاضِراولان
نازيوي هَرگون چَکَن حورا و سارادور خانم
بَس کي اِجلال نُزول ائيلَر مَلَکلَر، مَنزلون
فَرشده ماوا ائدَن عَرشِ مُعلادور خانم
دامنينده بوي آتيبدور زَينَبِ کُبري سَنون
دامَن پاکون مَرکَبدَن مُبرادور خانم
سَن حَياتين عَينيسَن سَندَن ياشيلليق باشلانير
دامنون دامانِ جَنَّتدَن مُطرادور خانم
سَن رَسولِ کايناتين نوگُلِ خَنداني سَن
کيم سَنه بو گُلشَنِ هستيده هَمتادور خانم
اوْلماسايدين سَن اَگَر اوْلمازدي کُفو مُرتَضي
مُرتَضي تَزويجينه سَندَن کيم اوْلادور خانم
ووردولار اود آستان وَحييه ياندي دَرگهون
يانديران عالَملَري بو داغِ عَظمادور خانم
اي اوْلان قَبرون کيمي قَدروندا ناپيدا سَنون
عِزَّت و شانين سَنين آي تَک هُوَيدادور خانم
وار رِوايَت کي گَلَرسَن ناقه اوسته مَحشَره
آيري بير مَحشَر گؤرهر حشر اهلي بَرپادور خانم
وورموشام چَنگِ تَوَسُّل گوشه دامنووه
ائت عِنايَت کي شَهودي زار و تَنهادور خانم
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.