شعر از کامران اسدي حقايقي «کامران»
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
وجودون اي گوزل گنجينه حسن و وجاهتدي
کناروندا سنون يوسف فقير و بي بضاعت دي
کساد ائتماقه حسن يوسفين رونقلي بازارين
سنون بير بئيله حسنوندن فقط بيرگل کفايتدي
نگاهون گر يئري قالسا جمالوندا يئري واردي
گل رخسارون از بسکه ظريف و با لطـا فتدي
گوروبدور نرگسين اوغلوندا نرگس گوزلرين نرگس
بينمز ئوز گوزون گر چه گُوزي ورد جماعتدي
امامت تک گوزل‌ليق حجتِ الله ختم اولموش
سنون گويچکليقون اون بير گوزليقدان علامتدي
سن او بير گويچکين گويچليقندان بهره مند اولدون
بوني عالم بولر اثباتينه حجت نه حاجتدي
ائله دلچسبدور که قويموري لب لبدن آيرلسون
سوز آچماق شهد وصلوندن عجب مشکل حکايتدي
کمندوندن دوشر تا سوز، اسيرون تئز ديير به به
اسير عشقون اولماق بسکه شيرين بير اسارتدي
هره بير عشقيلن مشهور اولوب مولا بو دنياده
سنون عشقونده، مشهوريتِ اهـل ولايت دي
بو گونکي وصلوون وار مهديا هجران کمندينده
بهار وصلووي تهديد ائدن پائيز فرقتدي
سنون عشاقوون جشن و سروري تک بو گونلوقدي
صباح عشاقوون حالتلري بير ئوزگه حالتدي
دمادم آه چکماق قان اوتوب قان آغلاماق سن سيز
يولووي گوزلين عاشق لره چوخدانکي عادتدي
گرک شک ائيلياق انصافينه انصافآ اي مهدي
ديسه کيم شور هجرانون قيامتدن علامتدي
سنون هجرونده که برپا اولان غوغا قيامتدن
علامت يوخ ئوزي چون ئوز يرينده بير قيامتدي
سوروشما مبتلايان فراقون کسب و کاريندن
که سن سيز ايشلري دنياده تنها کسب محنتدي
ئوزون گل اللريندن دوت اياقدان قويما دوشسونلر
که الدن توتماق آل اللّهه بير ديرينه خصلتدي
نگاري گورميوب ئولماق يامان ئولماخدي داد اوندان
بله ئولماق شکنجئيلن برابر بير مشقتدي
بولر تنها جمال يارينه حسرت قالان عاشق
که جانانانين يوزون بيريول گوروب ئولماق نه نعمتدي
ظهورون بير عنايتدي بونا سوز يوخ ولي مهدي
اونون تعجيلي عشاقه عنايت در عنـايتدي
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.