شعر از محمد هوشمند «مدهوش»
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
شکر ائيلرم عنايت ائديب دور خدا منه
بو قدري لطف و نعمتي ائيلوب عطا منه
راز و نيازه گوشة زنداني خوشلارام
بو تنگ يئردي مشعر و سعي و صفا منه
جام بلايه مشتري‌ام عشق ياريله
خوشدور رضاي ياريله هر بير بلا منه
موسي مثالي من ديله ارني گتورمرم
تا طور عشقيدن يئتيشه امر لا منه
هر لحظه ده عيان دي منه جلوه نگار
انوار لطفي دائم اولور رهنما منه
من سرّ حقم، اهل جهانين امامي ام
ائيليور هر آن زمين و زمان اقتدا منه
ذکر و دعائيله هله محبسده دلخوشام
شکر ائيلرم نقدري يئته ابتلا منه
آزاده يم ستمگره هرگز باش اگمرم
دشمن نقدري ائيلوري ائتسين جفا منه
بش گون رياست عشقينه غافل دي حق دن
هارون گورور بو قدري جفاني روا منه
حق دن نقدري گلسه بلا شکوه ائتمرم
صبرم ائيلرم خدا وئره اجر و جزا منه
جان وئرماقا بو حالدا قوري يئرده طالبم
تسليم حقم هر نه اولا اقتضا منه
جان اوسته يم بالالاريمي آختارير گوزوم
يوخدور بو يئرده همدم و بير آشنا منه
ايکاش نعشيمي وئره لر قيزلاريم گوره
معصومه‌م اوخشيوب دييه بير واي بابا منه
زهرين شراري سينمي ده داغلاسا خوشام
آخر ائدر بو آتش سوزان دوا منه
مدهوشي روزگار اگر سالسا مشکله
يوخدور غمي اورکدن ائدر التجا منه
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.