شعر از ستار رزاقي
باد صبا گتور منه بير، ياريدن خبر
اول يار مهربان و وفاداريدن خبر
هرگون باخور گوزوم يولا تا بلکه بير نفر
ويرسون منه او سِوگُلي دلداريدن خبر
هي جمعه لر گلور گيچور افسوس يوخ ويرن
بو بينوايه حجّت داداريدن خبر
هجران غمي سالوبدي اَياقدان بو بيکسي
يوخدور وليک مَحرَم اَسراريدن خبر
عُمروم قوتاردي درد فراقيله حيف اولا
بير کيمسه يوخ ويرن شَه اَبراريدن خبر
تَک مَن نهَ، بلکه گوز تيکوب احرار يوللارا
افسوس يوخدي سرور اَحراريدن خبر
حَقدَن ظهوره اِذن آلا اي کاش ياريميز
تا يِر يوزونده قالميه اَغياريدن خبر
گر گلمَسه نگار، يقيندور زمانه ده
وار نه بهاريدن نه ده گلزاريدن خبر
رزّاقي دا ، دعايه آچوب اَل دييور مُدام
يارب ندندي يوخ او گوزل ياريدن خبر
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.