(به استقبال غزل معروف شيخ بهايي: ساقيا بده جامي زان شراب روحاني...)
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
ساقيا عنايت قيل، وئر شراب وحدتدن
تا خلاص اولا جانيم تئز حجاب ظلمتدن
بي‌وفا نگار ائتميش قلب زاريمي محزون
گَه گولر دوداق آلتي، دم وورار صداقتدن
گاه باشلييار عشوه، نازيله وورار طعنه
اؤلمَسَمده قورتولماق يوخدي بو ندامتدن
باخدي، يانديريب ياخدي، آلدي دين و ايماني
عشقيده اوتوزماق يوخ، يوخ خبر خسارتدن
مقصديم جمال‌الله، لا اله الّا هو
زاهدا، گؤز اؤرتدوم من قصر و حور و جنتدن
بير گون عابدي گؤردوم، مي ائديب اوزون گلگون
سؤيله‌ديم؛ جزاک الله تاپديقين هدايتدن
زلف و كاكلي يارين ياديمه دوشر هر دم
حاليمي پوزار ساخلار روحيمي طراوتدن
بو صفالي قلبيمده عشقه وئرميشم مسكن
قويما تا شكست اولسون، دوشسون عزّ و حرمتدن
وعده‌يه وفا ائتمز تا کؤنول تاپا آرام
«فاضلا» يارام چوخدور، يوخ خبر طبابتدن
گول جوانليقيم گئتدي غفلت و جهالتله
گؤز قولاق دوشوب ايشدن، دوشموشم جسارتدن
گون باتير، امان وئرمير كام آلام شعاعيندن
كاش اجل وئره فرصت، قورتولام غرامتدن
وصفي بي‌نهايتدير، كلمه يوخدي تعريفه
هئچ خبر وئرن يوخدور مرز بي‌نهايتدن
واردي گر سؤزون يارين حسن لايزاليندن
دفترينده يئرلشمز، ال گؤتور حكايتدن
بير عؤمور دوام ائتديم، وئرمه‌دي دوا دلبر
چاره يوخ گره‌ک كؤچماق بو ديار غربتدن.
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.