شعر از علي شهودي
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
اي ترک سر و جان ائليين جانووه قربان
مقتلده قالان پيکر عريانووه قربان
زهرا آنامين عطري گلير قتلگهوندان
قلبي داغيلان چوللره مهمانووه قربان
اي ذبح اولونان ظلميله باشسيز بدن اي واي
ايستي قومون اوستونده آخان قانووه قربان
اي مذبحي حيرتده قويان کوي مناني
جانلار اولا يئتميش ايکي قربانووه قربان
اي صرصر ظلميله سولان گلشن توحيد
سرو و سمن و لاله و ريحانووه قربان
جون و اَنَس و جُندَب وعون و وَهَب وحُرّ
بيربير ييخيلان توپراغا اعوانووه قربان
اول عاشق وارسته حبيب بن مظاهر
پير حرم و محرم و دربانووه قربان
اي مشکين ائدن دشمن دون اوخلارا آماج
عباس کيمي ساقي عطشانووه قربان
اي گوزلري حيران ائليين قد رساسي
اکبر کيمي اول سرو خرامانووه قربان
اعجاز ائله، قرآن اوخي قلبيم دوتا آرام
عالملري حيران ائدن الحانووه قربان
اي يوم الست ائيليين اوز عهديني امضا
اول عهده وفا ائتديگين ايمانووه قربان
بير يول نه اولار زينب نالانووي ديندير
قلبينده اولان درد فراوانووه قربان
اي باشي سالان سايه منيم باشيمه نيدن
قارداش، باجوون جاني اولا جانووه قربان
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.