شعر از مرحوم ناظر شرفخانه‌اي
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
قاشين کيمي عاشيق لري نين قدّي کمان دير
بس دير! بو قدَر قدّي ميزي بوکمه آمان دير
سن سيز بو چمنزاريده اي سرو روانيم
هر سرو روان وار گوزونون ياشي روان دير
نه بير گل آچير آغزيني گفتاره، نه بلبل
سنبل ساچيني يولمادا، نرگس نيگران دير
هر بير چيچه‌يي دينديريره م غملي، کدرلي
هر غنچه‌ني ديللنديريره م سينه سي قان دير
هر گول دانيشير، قصه ديير غصه لريندن
هر لاله آچير، سينه‌سينين داغي عيان دير
هر بير يانا گوز گزديريرم، چن دي، دومان دي
هر گوشه يه اوز دوندريره م آه و فغان دير
هر قرميزي گل، هانسي ياشيل دونلي چمنده
سنسيز اولا خندان، گوزومه عين تيکان دير
سن اولماياسان، جنت اولار عين جهنم
آما سن ايله دوزخيمز باغ جنان دير
گل - گل داها قورتار مني سنسيزليک اليندن!
قويما يانا حسرتده جانيم،قويما آمان دير
هرچند کي ناظر قوجاليب، دوشدي نظردن
آما هله ده سينه سي عشقينده جوان دير
شاعردي، اوره ک‌لرده گزَن شعر ايله با هم
شاعير دئييلن جسم دئييل، جوهر جان دير
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.