سرو گلزار نبوت

صفحه خلقتده يوخدور بير نفر همتا سنه

آيري بير عزت وئريبدير خالق  يکتا سنه

اصل سن سن، متن سن سن، بحر سن سن، برّ سن

يوخدي سندن سونرا اوزگه بير نفر همتا سنه

اولماسايدين سن اگر خلق اولمازيدي کائنات

خالق اعلي وئريبدير رتبة والا سنه

اي مقام اعظمون مافوق ادراک بشر

چاتماز ابراهيم و نوح و  عيسي و موسي سنه

ائيلييب تا چرخ چارم حضرت عيسي عروج

ثبت اولوبدور بير فقط قوسين و او ادني سنه

اي اولان برتر جميع انبيادن، حصراولوب

آيه «تلک الرسل» دا لفظ «فضلنا» سنه

اسوه سن سن کائناته، خالق ارض و سما

سيرت اعلي وئريبدور صورت زيبا سنه

مرتضي شيرخدا، مسند نشين لافتي

چاتدي هر صاحب مقامه دهرده الا سنه

امّته اولدون امين و امتي آلدين لقب

خالق يکتا وئروبدور خلعت  يوحي سنه

جاهليت نظميني پوزدون نظام علميلن

تا ابد مديوندور دنيا و مافيها سنه

رحمه للعالمين و  صاحب خلق عظيم

عرصه خلقتده بير شايسته دير حقا سنه

اولدي  يَوْمُ الْمَلْحَمَةِ مهرونلا يَوْمُ الْمَرْحَمَةِ

بي جهت ِآد وئرميبلر خسرو بطحا سنه

ائيلدين شيرين ديليلن صيد خلق عالمي

ليلي‌لر مجنونون اولموش اوزدوتوب شِعراسنه

ائيليير خيل خلايق محضروندان کسب فيض

گورمه‌ميش مکتب وئريب حق علم هر اشيا سنه1

اي همايون سرو گلزار نبوت، سيّدي 

آرزو ائيلر يئتيشسين سدره و طوبي سنه

سن گلنده عزتيلن سرزمين محشره

احترام ائيلر سراسر محشر کبري سنه

ائت «شهودي» شاعر درگاهي مقضي المرام

تا اولونجگ ائيلسين اشعاريني انشا سنه