شعر از سيدناصر ولايي
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
اي پيمبر يادگاري فاطمه
اي علي نين جان نثاري فاطمه
باخ عمواوغلون چوخ پوزولموش حالينه
غم گونونده غمگساري فاطمه
گيتمه زهرا گور علي بيکس قالير
قويماز آغلار يار ياري فاطمه
چاره سيز ايندي قاليپ مشکل گشا
تار اولوپ ليل و نهاري فاطمه
باخ پوزولموش گل لرين رخسارينه
گل لرين سنسن باهاري فاطمه
من کيمي مظلوم بيرکس گورموشن؟
اي علي نين ذوالفقاري فاطمه
سن عموغلون جاني يومما گوزلرين
قلبيمين سنسن قراري فاطمه
گؤر نئجه بي يار و ياوردي علي
تيره اولموش روزگاري فاطمه
دورت بالان الان دولانير باشيوه
بو ائوين سنسن مداري فاطمه
قويما زينب واي نه نه م واي سسلنه
يوخدي بير يئرده قراري فاطمه
باخ حسينين گوزده کي گوز ياشينه
ديندير اوغلون سنده باري فاطمه
باخ حسن اوغلون يوزوندن غم ياغير
لاله رنگي اولدي ساري فاطمه
باخ اوشاقلار آغلاشيرلار آچ گوزون
دور دانيش ديندير اولاري فاطمه
ايندي زينب واي ننه‌م واي سسلنير
ساکت ائت اول بيقراري فاطمه
باخ حسينين گوزده کي گوز ياشينه
ديندير اوغلون سنده باري فاطمه
باخ قيزيم کلثومه نين افغانينه
قويما آغلار غم دچاري فاطمه
دوت ولايي نين اليندن حشريده
عالمين اي افتخاري فاطمه
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.