شعر از صابر ثمودي
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
دلا گوز آچدي دنيايه علينون نامدار اوغلي
ابوالفضل قمر طلعت، امير با وقار اوغلي
اوخي بلبل هامي بولسون گلوب مولا ابوفاضل
ولا اهلي دئيوب گولسون گلوب مولا ابوفاضل
دلا پير و جوان گولسون گلوب مولا ابوفاضل
بشارت اي ولا اهلي گلوبدور چارم ِشعبان
گوز آچدي عالمه عباس ائديبدور عالمي رضوان
گوروب بو تازه مولودي سؤوندور خسرو خوبان
جهانه بذل ائديب شادي شه دلدل سوار اوغلي
اوخي بلبل هامي بولسون گلوب مولا ابوفاضل
ولا اهلي دئيوب گولسون گلوب مولا ابوفاضل
ملکلر سسلنور گويده يئره کان شرف گلدي
جهاني گلستان ائتسون گل شاه نجف گلدي
سينيخ قلبه به لطف حق بو گون شور و شعف گلدي
گلن حلّآل مشکولدي علينون جان نثار اوغلي
اوخي بلبل هامي بولسون گلوب مولا ابوفاضل
ولا اهلي دئيوب گولسون گلوب مولا ابوفاضل
سپهر معنويت دن ياغور رحمت ياغور احساس
وفا گنجينه سينده گورسنوب بير پر ثمن الماس
گوز آچدي عالم امکانه ياران حضرت عبّاس
سؤوندوردي محبّاني شه با اقتدار اوغلي
اوخي بلبل هامي بولسون گلوب مولا ابوفاضل
ولا اهلي دئيوب گولسون گلوب مولا ابوفاضل
بو گون ماه بني هاشم منوّر ائتدي دنياني
جهاني گلستان ائتدي علينون روح و ريحاني
مبارک مقدمي شاد ايلدي جنّتده زهراني
ائديب دنياني نوراني علينون گلعذار اوغلي
اوخي بلبل هامي بولسون گلوب مولا ابوفاضل
ولا اهلي دئيوب گولسون گلوب مولا ابوفاضل
گلوبدور قلّه ي عشقون بلند آوازه عنقاسي
گلوب شاه شهيدانون بوگون غيرتلي سقّاسي
خانم ام البنينون خوش نفس خوش منظر عيساسي
علي سيرت علي صولت علينون حق شعار اوغلي
اوخي بلبل هامي بولسون گلوب مولا ابو فاضل
ولا اهلي دئيوب گولسون گلوب مولا ابوفاضل
شکسته دللره گلدي علي اوغلي صفا وئرسون
مريض و دردمندانه گلوب مولا دوا وئرسون
(ثمودي) ايستياخ بيزده برات کربلا وئرسون
يازار دعوت يقينيم وار او صاحب ذوالفقار اوغلي
اوخي بلبل هامي بولسون گلوب مولا ابوفاضل
ولا اهلي دئيوب گولسون گلوب مولا ابوفاضل
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.