شعر از علی شهودی
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
نه هندده نه چينده نه آلماندا اولوب مد
خارجده تاپيلماز بولار ايراندا اولوب مد
اؤز رسم و رسوماتيميزي اَزمگ و اوزمگ
بوردان سورا گؤر هانسي بياباندا اولوب مد
قيزلار اولوب اوغلان کيمي اوغلانلار اولوب قيز
باخ مد نئجه مد ايندي قيز اوغلاندا اولوب مد
اوغلان سنه نه گلدي قيافه ن عوض اولدي
سس سالما بورون يونتاما ايراندا اولوب مد
عورت بئله گئيمزدي قديم هئچ ائو ايچينده
چيلپاقليقا باخ ايندي خياباندا اولوب مد
بوندان سورا دوز ايش اولار افسانه تاپيلماز
از بس کي فيليم اويناما هرياندا اولوب مد
ترياکي ائشيگده چکنين عقلي آزيبدير
بير شي کي راحات چکمگي زنداندا اولوب مد
بوندان قديم اولسييدي داوا درداوچون، ايندي
سالملر ايچينده داوا درماندا اولوب مد
بو نسل جديدين ايشي ياشدير بئله گئتسه
راحت طلبي بس که بو دوراندا اولوب مد
سابق قوجالار هفتهده بير «ويژه» چکردي
ايندي بو جوجوخلار آرا قلياندا اولوب مد
بوندان قديم اولسيدي آغيرليق ادبيلن
يونگوللوگه باخ ايندي بو ميداندا اولوب مد
بير دلقکين ايندي نئچه مين ايزلييهني وار
بيلمم بو نجور دردي بو ساماندا اولوب مد
شعر و ادبياته ده بو درد تاپيب يول
هر شاعره استاد دئمگ آساندا اولوب مد
هر کيم ديير «ايران»، اونا تئز انگ وورولار
بيلمم بو نه دردير کي بو استاندا اولوب مد
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.