شعر از علي شهودي
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
انساندا ائدر بير بئله انسانه حسادت؟؟
آز قالدي ائده عالمي ويرانه حسادت!!
حاسد آدامين آخرتي دنياسي يوخدور
قويماز قالا هئچ بير زادي انسانه حسادت
بنذر اوتا، خاکستر ائدر دار و ندارين
يول تاپسا اگر خرمن ايمانه حسادت
بير عده چکنميردي چون آيات مبيني
الفيل يازيب، ائتديله قرآنه حسادت
چون گؤردوله وار اوندا برازنده کمالات
اخواني ائديب يوسف کنعانه حسادت
ايش گؤر هايانا چاتدي کي بير عده تبهکار
آز قالدي ائده آزمادا شيطانه حسادت!
تاريخ يازيبدور بوني؛ بير عده ائدرميش
حافظ کيمي بير صاحب ديوانه حسادت
چاتماز او آدام کي زوري بير پونزا گؤتورسون
دينديرسن ائدر رستم دستانه حسادت
توکسوز قليني آزجا دانيشديرديم او گون من
گؤردوم ائليير تئللي نريمانه حسادت
چکمه حسديلن خط بطلان حسناته
قويما گله قلبوندا ائده خانه حسادت
يوخ جاي تعجب ائده بير عده شهودي
بو سنده اولان طبع دُر افشانه حسادت
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.