شعر از علي شهودي
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
اي شهريارِ ملکِ وفا يا اباالحسن
شاهلار اولوب قاپوندا گدا يا اباالحسن
اي سگيزينجي اولدوزوي رحمت سماسي‌نين
سسلر هميشه ارض و سما يااباالحسن
سلم و رضا سنيله تاپيب شان و اعتبار
وِي حق يازان قضايه رضا يا اباالحسن
قبر شريفيوين نه گوزل انجلاسي وار
عالم او خاک پاکه فدا يا اباالحسن
درگاهينا دوشوبدي دخيل آه و زاريلن
چوخلو مريض آليبدي شفا يا اباالحسن
يانديردي ياخدي حسرت اودي قلبيمي منيم
درد فراقه يوخدي دوا يا اباالحسن
تنگه گليبدي بو قفس تنگ جسمدن
روحيم قوشي اولوبدي رها يااباالحسن
بير باش گليب مزارووي طوف ائيلسين سنين
وار باشدا آيري حال و هوا يا اباالحسن
وئرم قسم سني آتاوين احترامينا
بوش سالما بو گداني يولا يا اباالحسن
يوم شهادتوندي بو گون، گون کسوف ايديب
عالم گييبدي رخت عزا يا اباالحسن
اکباديوي اوگون کي غريبانه طوس ده
يانديردي ياخدي زهر جفا يا اباالحسن
گلدي ديار طوسه نه نوعي مدينه‌دن
اوغلون جواد ديلده نوا يا اباالحسن
آلدي ديز اوسته باشووي آهيله آغلادي
ارض و سمايه سالدي صدا يا اباالحسن
مسکين «شهودي»يه ائله اي شاه التفات
واردير ديلينده صبح و مسا يا اباالحسن
(26 مهر99 همزمان با سالروز شهادت حضرت امام رضا«ع»)
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.