شعر از ياسر
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
دلبرا قديمي هجرونده کمان ايلموسن
آيريليقدان بو يانان قلبيمي قان ايلموسن
دمبدم آه چکوب قان اوتورام دلده آدون
گوزومون ياشيني رخساره روان ايلموسن
بير گيجه رنجه قدم قيل گوزومه قوي قدمون
گوره‌لر منزليمي رشگ جهان ايلموسن
اي منيم پارلاق آييم اولمابولود آلتدا نهان
پرده‌دن چيخ گوره‌لر نورون عيان ايلموسن
نه قدر يوللارا حسرتله باخوم شام و سحر
من محنت زده‌ني دل نگران ايلموسن
مدعي سويلوري بير گولله بهار اولماز ليک
سن او گولسن ير ئوزون باغ جنان ايلموسن
فرقتون سالدي اياقدان مني بيمار ايلدي
گيجه گوندوز ايشيمي آه و فغان ايلموسن
چاره‌سيز درده سالوبدي مني هجرون جانا
طاقتيم الدن اولوب سلب توان ايلموسن
اي ولايت باغينون سروچمن آراسي
دي گوروم هانسي گلستاندا مکان ايلموسن
گوزلرون قبلة عشقيمدي، قاشون محرابيم
آيا بنزر يوزوي کعبة جان ايلموسن
يوزوين نوريدي تشريح ايلين والشمسي
زلف شبرنگيله واليلي بيان ايلموسن
خبر آلسان اگر عاشقلريون حاليني سن
بوقدر وار اولارين قلبيني قان ايلموسن
«ياسرا» فاطمه نين اوغلي سنه لطف ايليوب
گيجه گوندوز آديني ورد زبان ايلموسن
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.